Avais Vus recessiuns da la schunschiva e stuessas Vus eventualmain far insatge cunter quellas?

Barschuns da dents manuals èn meds auxiliars avunda effizients per l’igiena da la bucca a chasa. Las setlas duessan esser lomas e fatgas da nylon, per che l’ur da la schunschiva na vegnia betg donnegià. Il chau dal barschun da dents duess esser plat. Cun pitschens moviments en rudè e senza fregar pon ins nettegiar cun quel ils dents. Medemamain vegn recumandà il nettegiament quotidian dals spazis dals dents cun in med auxiliar supplementar.

Il barschun da dents manual è la metoda il pli savens examinada scientificamain per in nettegiament dals dents effizient. Sche Vus na duvrais per l’igiena da la bucca a chasa nagin barschun da dents manual u nagin barschun da dents electric, mabain per exempel in barschun cun in sulet fasch u miswak, As laschai confermar en la pratica da dentist il success da Vossa tecnica d’igiena da la bucca.

«In’examinaziun memia bler è meglier ch’in tractament memia pauc!»

Barschuns da dents electrics èn meds auxiliars effizients per l’igiena da la bucca a chasa. Lur effect è levamain superiur a quel dals barschuns da dents manuals. Impurtant tar l’applicaziun da barschuns da dents electrics èsi da duvrar quels senza pressiun supplementara sin la schunschiva. Tar in’applicaziun correcta da barschuns da dents electrics n’è la ristga da sviluppar recessiuns da la schunschiva betg augmentada.

Ultra da quai vegn recumandà il nettegiament quotidian dals spazis dals dents cun in med auxiliar supplementar.

Era barschuns da dents manuals èn meds auxiliars avunda effizients per l’igiena da la bucca a chasa. As laschai cussegliar en Vossa pratica da dentist, tge meds auxiliars ch’èn ils pli adattads per Vus.

Recessiuns da la schunschiva pon cumparair tant durant sco era anc plirs onns suenter la fin d’in tractament ortodontic.

Faschai vinavant bain attenziun a Vossa sanadad ed As laschai examinar ina giada ad onn en ina pratica da dentist per controllar Vossa sanadad da la bucca.

Fimar cigarettas ha per consequenza che la schunschiva vegn provedida main bain cun sang. Uschia è sia resistenza reducida, quai che augmenta era la fragilitad envers recessiuns da la schunschiva.

Tar fimaders cun recessiuns da la schunschiva po la cuvrida chirurgica eventualmain necessaria da las surfatschas da la ragisch libras pir vegnir attatgada suenter in stop da fimar realisà cun success.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Il consum da products da tabac senza fum, sco per exempel snus, maina al lieu nua ch’el vegn deponì en la chavorgia da la bucca a midadas da la mucosa da la bucca (leucoplachias, precancerosas facultativas) e savens era a recessiuns da la schunschiva.

Entant che las midadas da la mucosa pon svanir puspè suenter avair smess cun il consum da tabac, restan las recessiuns da la schunschiva al lieu nua ch’il product da tabac era deponì pli baud e ston perquai, sche necessari, vegnir tractadas cun in intervent chirurgic.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Giugar savens cun piercings è ina disa che po avair effects nuschaivels sin ils dents e la schunschiva. Var 80 pertschient da las purtadras e dals purtaders mussan en ils lieus da contact correspundents era ina perdita da la substanza dira dals dents sezza ed en 25% dals cas sa mussan era recessiuns da la schunschiva.

Suenter avair allontanà il piercing resta la recessiun da la schunschiva respectiva e sto perquai, sche las circumstanzas pretendan quai, vegnir tractada chirurgicamain.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

La sminuziun da la schunschiva po avair differents motivs e cumparair savens sin la vart exteriura da la dentadira u, tar ina parodontitis e suenter ses tractament, era enturn l’entir dent.

Infurmai Vossa pratica da dentist. Là vegn in’examinaziun minuziusa a mussar, sche Vus avais ina recessiun da la schunschiva u ina parodontitis e sche Vus duvrais in tractament correspundent.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Tras la sminuziun da la schunschiva vegnan las surfatschas da la ragisch libras. Quellas cuntegnan gnervs che pon reagir cun surasensibladad sin midadas da temperatura.

Infurmai Voss dentist, Vossa igienicra da dents u Vossa assistenta da profilaxa che Vus avais dents che reageschan sensibel sin midadas da temperatura. Uschia pon era vegnir discutadas pussaivladads per levgiar ils mals.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

La substanza dira da la ragisch dal dent libra è main resistenta cunter caries che la substanza da la curuna dal dent (emagl). L’uschenumnada caries da la ragisch po perquai avanzar pli svelt, pervia da quai sto ella vegnir prevegnida meglier.

Infurmai Vossa pratica da dentist. Là vegn in’examinaziun minuziusa a mussar, tge ch’èn ils motivs da questas decoloraziuns e sche Vus duvrais in tractament correspundent.

Sche Vus avais era respundì bleras da nossas autras dumondas cun «Na», faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.