English (UK) 
German 
French 
Italian 
Español 
Basque 
Português (BR) 
Português (PT) 
Polish 
Danish 
Romanian 
Bulgarian 
Croatian 
Slovenian 
Chinese 
Chinese (Traditional) 
Russian 
Georgian 
Azerbaijani 
Turkish 
Lithuanian 
Arabic 
Hebrew 
Dutch 
Hungarian 
Czech 
Greek 
Finnish 
Swedish 
Norwegian 
Ukrainian 
Armenian 
Malay 
Filipino 
Serbian 
Nepali 
Tge è ina recessiun da la schunschiva?
La recessiun da la schunschiva è ina sminuziun da l’ur da la schunschiva, cun la quala la ragisch dal dent vegn libra. La sminuziun da la schunschiva po cumparair sin la vart exteriura da la dentadira u, tar ina parodontitis e suenter ses tractament, era enturn l’entir dent.
Raschuns da la recessiun da la schunschiva
La raschun la pli frequenta da la recessiun da la schunschiva è ina tecnica sbagliada da lavar ils dents, cura che l’ur da la schunschiva vegn blessà tras fregar savens. Ultra da quai han facturs da ristga enconuschents sco fimar, tabac senza fum (snus) u piercings in’influenza sin il svilup d’ina recessiun da la schunschiva.
Consequenzas da la recessiun da la schunschiva
Las consequenzas da la recessiun da la schunschiva èn ina ragisch dal dent libra, quai che po manar a dents surasensibels, a culiezs dals dents consumads u era a caries. Ultra da quai pateschan pertutgads savens era da la cumparsa midada da la dentadira.
Diagnosa da la recessiun da la schunschiva
La diagnosa da la recessiun da la schunschiva vegn fatga en la pratica da dentist. Quai è la suletta pussaivladad da laschar giuditgar endretg il stadi da sanadad da la schunschiva. Ultra dal giudicament clinic cun ina sonda da schunschiva vegnan era consultadas radiografias per il giudicament.
Terapia da la recessiun da la schunschiva
La reducziun da facturs d’influenza pussaivels e l’optimaziun da l’igiena da la bucca a chasa èn l’emprim pass da la terapia d’ina recessiun da la schunschiva. Plinavant pon las ragischs dals dents libras vegnir cuvridas puspè cun plumbas dal culiez dal dent u cun mesiras chirurgicas.
Prevenziun da la recessiun da la schunschiva
L’optimaziun da l’igiena da la bucca a chasa sco er controllas regularas cun in nettegiament da dents professiunal en la pratica da dentist e la renunzia a products da tabac èn la meglra prevenziun da la recessiun da la schunschiva.
Autotest
Pateschais Vus eventualmain d’ina recessiun da la schunschiva? Faschai qua l’autotest.
Dumondas frequentas
Dumondas frequentas davart la recessiun da la schunschiva e nossas respostas.